nortasuna

Pertsona konprometituak balio soziala sortzen

identidad

ONURA PUBLIKOKOA DEN GIZARTE EKIMENEKO KOOPERATIBA

Enpresa sozial bat gara, gizarte esku-hartzearen eremuan diharduelarik komunitatearen garapenarekin inplikatuta dagoena, proposamen berritzaileak abiaraziz eta kalitateko zerbitzuak kudeatuz, arazoak dituzten pertsonen eta kolektiboen behar sozialak gainditzera orientatuta.

KONPROMISO SOZIALEAN BIDEA EGINDA DUEN ERAKUNDEA

Agintzari 1977. urteaz geroztik ari da lanean gizarte bazterketaren arloan. Agintzari Elkarteak 1983. urtean bereganatu zuen nortasun juridikoa, eta harrez gero era askotako jarduerak gauzatzen ari da: gizarte salaketa eta ikerketa lanak, eta arriskuan eta babesik gabe dauden adin txikiko eta gazteei arreta eskaintzea, babes etxeak sustatuz eta kudeatuz, eta, Esku-hartze Komunitarioko Taldeen bitartez, Familia eta Kale Heziketarako Gizarte Hezkuntza egitarauak garatuz, batez ere.

1991. urtean Kooperatiba Elkarte gisa eratu zen; enpresa modelo horrek eskaintzen dion marko soziolaborala bere helburu sozialarekin bat dator eta kudeaketa demokratikoa eta gizartearekin konprometitua ahalbidetzen dio.

2000. urtean, Agintzarik Gizarte Ekimenerako Kooperatiba bihurtu zen, hau da, irabazi asmorik gabeko erakunde. Urte horretan bertan Eusko Jaurlaritzak Onura Publikoko erakunde izendatu zuen.