zertan ari garen

  • RSS
  • meneame
  • facebook
  • twiter
  • flickr
  • youtube

2014/01/27

Kontziliazio erantzunkidea, gizarte kohesiorako bidea

 
Gasteizko Udalaren Gizarte Gaietako eta Adinekoen departamenduaren eskutik eta Gasteizko Udalaren Berdintasunerako Zerbitzuarekin elkarlanean, pasa den urtarrilaren 15ean, asteazkenez, honako jardunaldi honetan parte hartzeko aukera izan genuen: “Kontziliazio erantzunkidea, gizarte kohesiorako bidea”

Gizarte Gaietako eta Adinekoen departamentuko zinegotzi Ainhoa Domaica Goñik eman zion hasiera jardunaldiari, Teresa Torns Martins Soziologiako doktoreak “Las politicas del tiempo: un reto para las politicas del Estado de Bienestar" izeneko hitzaldiaren bidez emango zizkigun ideia interesgarriei lekua utziz. Teresa Torns Martins "Eguneroko Bizimoduari eta Lanari buruzko Azterketa Soziologikoetarako Zentroa-QUIT” erakundeko kidea da eta “Seminari d'Estudis de la Dona-SED” izeneko mintegia koordinatzen du, bata zein bestea Bartzelonako Unibertsitate Autonomoaren Soziologiako departamentuaren barruan.

Kaferako atsedenaldiaren ondoren, Angel Rivero Recuenco antropologo sozial eta espezialistak, Madrileko Unibertsitate Konplutentsen Politiken Ebaluazioan unibertsitateko aditua denak, eztabaidarako gako berriak eman zituen "Conciliación y corresponsabilidad: Elementos para la formulación de una propuesta de intervención” izeneko hitzaldiaren bitartez.Kontuan izanik asmoa zela egungo ereduaren premiak eta mugak abiapuntu izanik bizitza pertsonala, familia bizitza eta laneko bizitza uztartzeari buruz adituek goizean zehar helarazi zizkiguten planteamenduetan sakondu ahal izateko gune bat edukitzea, ekitaldiaren zati nagusia, zalantzarik gabe, gogoeta taldeak izan ziren; izan ere, talde horietan profesionalok elkarrekin lan egiteko aukera izan genuen alternatibak bilatzen, non agente sozial guztien inplikazioa eta denek ardura berdina izatea beharrezkoa litzatekeen.

Bukatzeko, eta antolatzaileek eskainitako lunchean bertaratutako guztiek elkarrekin egoteko izan genuen aukeraren ondoren, arratsaldeko saioa egin zen, non jarduera nagusia “Praktika Onen Mahaia" izan baitzen. Jarduera horri esker, kontziliazio erantzunkidearen esparruan jarduteko proposamen bat baino gehiago hurbilagotik ezagutzeko aukera izan genuen, zehazki, izaera oso desberdineko agente sozialek sustatuta gaur egun jada martxan dauden proposamenak.

Ildo horretan, “Concilia +” webgune interaktiboan nabigatu genuen, Elena Echeberria Eusko Jaurlaritzako Familia Politika eta Gizarte Garapeneko Zuzendaritzako teknikariak gidatuta.  Jose Antonio Jimeno Caballero Vitoria -Gasteizko Udaleko Adinekoen Zerbitzuko buruari esker, “Adineko pertsonak zaintzen dituzten familiei laguntzeko programa integrala” ezagutu ahal izan genuen, bai eta programa horretan egiten den lan interesgarria ere.

Eta Haurtzaroari egindako keinua Elena Redondo Hermosak, Vitoria-Gasteizko Haurtzaroa eta Familia Zerbitzuaren Prebentzio eta Balorazio Unitateko buruak, aurkeztu zigun “Senidegune” lehen mailako prebentziorako programaren eskutik etorri zen. Programa taldeko esku-hartze zuzenean oinarrituta dago, eta gurasoekin eta seme-alabekin aldi berean eta zuzenean aritzen da, eta berau aurkezteko Elenak aukera leihoen kontzeptu transakzionalaz eta Burgosko Udala 2006az geroztik bultzatzen ari den “Servicio Municipal de Cuidado a la Infancia”ekimenaz baliatu zen.

Jardunaldia amaitzeko, Maria Pazos Moranek, PPIINA plataforma hiritarraren bozeramaile gisa jardunaldira gonbidatuak, hitza hartu eta Baimen Berdinak, Besterenezinak eta %100ean ordainduta erreibindikatu zituen guraso bientzat seme-alaben jaiotzagatik eta adopzioagatik.

Iruzkinak


bilatzailea

aipatuena

bisitatuena

azken iruzkinak

tag lainoa